ما بين اغانى الأفراح والشعور بالغثيان

اكتب اليكم الان وانا اشعر بالغثيان

اقصد انى هارجع خلاص من اللى بيحصل دا

هو ايه اللى بيحصل ؟

اقولكم

دلوقتى احنا فى الصيف واجازات و كل سنة وانتو طيبين والظاهرة المميزة للصيف هى الافراح والظاهرة المميزة للافراح التلوث السمعى

انا مش قصدى يعنى انى عايزة الناس تعمل افراحها من غير ماتفرح واغانى والكلام دا !! لا لا لاسمح الله هما احرار كل واحد من حقه يحتفل بطريقته لكن ؟؟ واااااه من لكن دى
انا مش باشتكى كمان من الافراح والديجيهات اللى بقت مالية الشوارع من غير اى مراعاة للبنى ادمين التانية .... لا لا لاسمح الله انا عن نفسى اتعودت خلاص

لكن اللى محزنى ومخلينى فعلا عايزة ارجع ..... مستوى الاغانى اللى بتتشغل فى الافراح دى .... دى مش نقدر نقول عليها اغانى شعبية لان الاغنية الشعبية مهما كانت اهى فى الاول والاخر اسمها اغنية احيانا كتير كنت تلاقى معانى لكلماتها

انما اغانى اليومين دول بتاعة الافراح سورى
مش المفروض نقول عليها اغانى .... مش عارفة

بصراحة ....
هو عادى كدا كل واحد دلوقتى عايز يقول اى كلمتين يقولهم مش مهم معناهم ايه ؟ المهم يكون بعيد عن اى ايحاءات سياسية انما لو فيها اى ايحاءات تانية مش مشكلة عادى مفيش اى رقابة ولا اى حاجة كدا كل واحد عنده حنجرة بتطلع صوت يقوله كلمتين وكدا اتعملت اغنية وهيصة والكل يرددها مش مهم محتواها ايه ؟؟؟؟

انا طولت عليكم معلش بس الواحد حزين على المستوى اللى احنا بنوصله عمالين ننزل ننزل لحد ماخلاص بقينا نحفر الارض عشان نندفن تحتها فى الوقت اللى كل حاجة بتتقدم بينا والوعى بيزيد والتكنولوجيا ووسائل نقل المعرفة

مش عارفة ايه اللى جاب التكنولوجيا والمعرفة للموضوع بس هو فى علاقة

انا صعبان عليا احنا المفروض نتطور نتقدم نعلى اكتر

ليه بنرجع وليه مستوانا بيوطى ودا لمصلحة مين ؟؟؟؟

حاجة اخيرة نفسى اعرفها منكم مش مهم تكونوا قريتوا كل كلامى اللى فوق دا بس سؤالى ياريت تجاوبولى عليه ؟؟؟ هو دا عادى والاغانى دى عادية والناس فعلا هى اللى عايزة كدا وحابة النوع دا وان البنى ادمين اللى بيجعروا دول قصدى اللى بيغنوا بيعملوا كدا عشان الناس عايزة كدا ولا ايه
انا توهت

ما بين اغانى الأفراح والشعور بالغثيان 614-No-AbeerMahmoud

عندك حق ياتوتا والله

شكرا علي المرور والتواصل

lovely