وأيه يعنى ما انا كمان ماشى مع اخته !!!!!

ايه يعنى ما انا كمان ماشى مع اختو

****************************

قصه قصيرة
(الشاطر حسن)

****************
ابطال القصه

حسن
حنان اخت حسن
وائل
غاده اخت وائل

***************

كان ياما كان يا سعد يا اكرام وفى زمانا الان ما يحلى الكلام الا بذكر البنات وحكاياتهم مع الصبيان

كان زمااااااااااااااااااااااااااان من حوالى يومين كده فى ولد اسمو الشاطر حسن ماشى واخد مصروفو من مامتو وزهقان وبيلف فى الشوارع يدور وسط الناس عن حاجه تسليه
شاف بنت جميله اوى فضل يعاكس فيها وماشى وراها وهى منفضاله ومكبرة دماغها اوى لحد ما وصلت لبيتها
قعد على قهوة ادام البيت وسأل القهوجى مين دى
رد القهوجى دى غاده اخت وائل اللى قاعد هناك ده
قام الشاطر حسن وقعد جنب وائل وكان الحوار ده بينهم:-

حسن:- معاك كبريت يا غالى
وائل:- خد يابرنس
حسن:- طب خد سجارة بقى يا مان
وائل:- والله لسه طافيها يا بوب
حسن:- لا والله طلعت ولازم تاخدها عيب عليك يا كنج
وائل:- ماشى يا زعيم
حسن:- انا حسن
وائل:- انا وائل

وهوب بقو صحاب من قعده واحده

وائل:- خلاص يا حسن بالليل تعالى اندهلى من البيت عشان اروح معاك اعرف بيتك عشان لو فى اى مصلحه يبقى سهل انى اجيبك

حسن:- ماشى يا وائل مش عايز حاجه يا صاحبى عشان قايم
وائل:-شكرا يا غالى نتقابل بالليل
حسن:- طب سلاموز
وائل:- سلامانجا

( باللـــــــــــــــــــــــــــــــيــــــــــــــ ــــل )

ترن ترن يا وائل ترن

غاده اخت وائل فتحت الباب

حسن:- ايه ده مين القمر ده انت تقربى لوائل
غاده:- اه وائل اخويا انت تعرفو منين
حسن:- ده صاحبى واخويا وحبيبى بس مفاجئه جميله انك تكونى اختو كده انا متطمن على مستقبلى وحسيت انى فى امان انا بقى حسن ودلعى الشاطر حسن
غاده:- انا غاده ودلعى غاده الكاميليا

ودخل حسن وقابل وائل ونزلو سوا على بيت حسن

ولما دخلو البيت

حسن:- يا حنان يا حنان اتنين حاجه ساقعه والطفايه على ما اغير هدومى

دخلت حنان بنوته زى القمر

وائل:- انت اخت حسن
حنان:- اه انا اختو
وائل:- طب الواد ده طالع وحش لمين مش قمر زيك ليه
حنان:- ربنا يخليك
وائل:- لا دى حقيقه والله مش مجامله حسن صاحبى من زمان لكن ماتوقعتش انك تكونى اختو اسمك ايه بقى
حنان:- اسمى حنان
وائل:- اسمك جميل اوى يا حنان انا بموت فى الاسم ده انا بقى وائل
حنان:- بس انا عمرى ماشوفتك مع حسن
وائل:- لا بعد كده هتشوفينى كتير اوى لان اللى يشوف القمر ده مستحيل يبعد عنو

( وبعد مرور شهر)

كانت العلاقه اتوطدت اوى بين
الشاطر حسن وغاده الكاميليا
وبين
وائل بيه والاميرة حنان
ومعظم الناس خدت بالها
وفى يوم واحد قابل وائل وثالو اختك ماشيه مع صاحبك حسن انا بقولك كده عشان احنا كالنا عيش وملح مع بعض
رد وائل وقال
وايه يعنى ما انا كمان ماشى مع اختو

هههههههههههههههههه
طبعا الموضوع ده منقول
بس ايه رأيكم بجد
عاوز ارأكم فيه بصراحة
علشان الموضوع ده فعلا حصل ومع ناس اصحابى فعلا
والمشكلة بقى ان كل واحد عارف وعامل عبيط
وده اللى مخلينى لما بقعد معاهم ببقى مش عارف امسك نفسى من الضحك
وطبعا بقى انا بحاول انكشهم
واقول لكل واحد اخبار المزة بتاعتك ايه ؟؟؟؟

طبعا مبيبقاش عارف يرد ووشه بيحمر
والتانى بيبقى عاوز يقوم يضربه بس بيبقى عارف انه ماشى برضه مع اخته

بس كل واحد عارف انه هيتقدم ليها لما ظروفها تتحسن
علشان كده مطنشين لبعض

بس بينى وبينكم بالرغم من انا الموضوع يضحك
بس هو فى نفس الوقت مشكله كبيرة اوى

وطبعا عاوز ردوكم وارأكم

موضوع جامد جدا والله

بس الغلط في وائل

في مثل بيقول صحبي وصاحبك عالقهوه

والله مهما يكونوا اصحاب المفروض ميدخل البيت ابدا

وكمان طالما ليه اخت بنت

وبعدين هما معندهومش شهامه ومش رجاله سوري يعني

(مصر بلد الرجاله)

بس والله عشان المفروض يحافظوا علي اخواتهم اكتر من كده

ويخافوا كمان علي سمعتهم

بس خلاص

تقبل مروري

lovely

رأيك فعلا صح ميه فى الميه يا لفلى

بس يا لفلى احنا شعب طيب اوى
واحسن ناس تقول النصيحة ومش بتعمل بيها

وكمان عندنا عادة وحشه اوى
ان احنا بنثق فى اى حد وكمان نقول عليه صاحبنا من غير ما نكون متأكدين من مدى اخلاصه لينا

وبعدين كلنا بقينا نستهتر بكلمه صاحب
الكلمه دى المفروض مش تتقال لاى حد غير لما يكون هو فعلا يستحقها
لان الصاحب ده فى وجهة نظرى يبقى اخويا الذى لم تلده امى
يمكن اكون بخبى كل حاجة عن كل الناس انما صاحبى الوحيد اللى بيبقى عارفها
حتى زوجتى ممكن تكون متعرفهاش عنى ولا حتى امى
علشان كده لازم كلنا نبقى حريصين فى اختيارنا للصاحب

بشكرك جدا يا لفلى على متبعتك ليا
وبشكرك برده على رأيك الجميل اوى
واللى لازم نتعلم منه كلنا
نورتينى يا قمر

موضوع جامد أوى
أنا شايفه ان العيب مش فى الولد العيب فى تربيه البيت و الام لازم تاخد بلها جدا عللى أولدها
و تعلم الولد أن كده غلط
وكمان أى ولد لازم يحافظ على أخته و على سمعتها
تقبل مرورى

بشكرك جدا على مرورك يا حنين
وفعلا عندك حق
والام والاب ليهم دور كبير جدا

ميرسى على مرورك
نورتينى بجد