شاب متقدم لبنت

واحد من الشباب راح يخطب بنت

المهم خطب وقالوا اهل البنت نشاور البنت الاول بعدين نرد عليك

مرت الايام وقالولوا تعالى

راح الشاب لبيتهم

وقابل ابوها وقال له : البنت عندها شرط

قال : إيه ؟

قال : انها تعد معاك !!!

اتبسط من الطلب

قال : نعد فين ؟

رد ابوها : براحتكوا

المهم اتفقوا إنهم يروحوا في حديقه واخوها الصغير معاهم

راحوا واتكلموا واتبسطوا

رجعت البنت للبيت

وقال ابوها : ها عجبك ؟

قالت البنت : هو عجبني بس فيه حاجة مش عجبانى

قال ابوه ا : إيه هى ؟

قالت : بياكل لبان من ساعة ما اعدنا لغاية لما قمنا

قال ابوها : خلاص انا هكلمه

جاء الاب عند الشاب وقاله: انت فيك حاجه واحده مش عجبانى ؟؟

قال الشاب: إيه؟؟

قال الاب: اللبان ... انت ليه بتاكل لبان 24 ساعه ؟

رد الشاب : بصراحه انا مش باكل لبان الا اذا مش دخنت - الله ياعينى على الصراحه

قال الاب: انت بتدخن ؟

رد الشاب : انا مش بدخن الا اذا شربت بس

قال الأب : و بتشرب ؟

قال الشاب: انا مش بشرب الا اذا حششت ..

قال الاب : وبتحشش ؟؟

قال الشاب: بس انا مش بحشش الا وانا قاعد مع اصحابى اللى اتعرفت عليهم فى السجن :

لاااااا ومسجون ----- قضيتك ايه ؟؟

رد الشاب : ابدا

قتلت واحد بس

قال الاب: قتلته ليه ؟

قال الشاب ابدا خطبت بنته وقال انى مش عجبته

رجع الاب للبنت وقال : يا بنتى انا شايف ان اللبان عادى مافيهاش حاجه