كرسي الاعتراف

بقي كدة يانونا تضحي بيا
ماشي والله ما هسيبك

ليكي يوم

مبدئيا عرفينا بنفسك


وبعدين جوبي علي الاسئله دي
الشىء الايجابى الى انتي حاسه انك عملتيه فى حياتك؟

ايه الشىء الى محبيتهوش وكان خير ليكي فى النهايه؟
تقدري تكلمنا عن شخصيتك بصراحه؟
- انتي صريحه مع نفسك فى اى قرار بتخديه؟
- القرار الى اخدتيه وغيرلك مجرى حياتك؟
- علاقتك ايه بربنا واكتر وقت بتحسي انك فى قمة ايمانك؟

ايه الفرق بين شخصيتك الحقيقيه وشخصيتك فى المنتدى

هل وجدتي فى حياتك من يفهمك؟

هل نــــدمتي على صــراحتك يــــوماً ؟؟


* ليه الانسان لما بيحب اوى لازم ينجرح اوى .. وخصوصا لما يحب بجد ويوفى لحبيبه؟

ياترى فى نظرك إيه اللى يخلى الواحد ممكن يتخلى عن الحب وياترى الظروف ممكن تكون سبب؟؟

هل الفروق الشخصيه بين الطرفين ( الماديه_التعليميه_الفكريه) ممكن تبقى سبب فى اننا نتخلى عن الحب؟؟؟

فى نظرك إيه هى الخيانه... و امتى ممكن نسامح عليها وامتى لا؟ وليه بقت موجوده؟

*واخيرا وليس اخرا ايهما تختاروي؟؟ الحب ولا الكرامه؟؟ وليه؟


يا ترى الحب الحقيقى اختفى ولا لاء ... وايه السبب؟؟




كفايا كده النهارده

في البداية بشكر نونا علي الفكرة الحلوة دي
وبعدين احب اقول لتوتا قلبي معاكي ربنا يصبرك علي اختك

وبعد كدة اسال بقي


هل مفاجأت جلوسك على كرسي الاعتراف لها وقع في نفسك ؟ وماهو شعورك وانتي على الكرسي؟
ي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟


س هل ندمت فحياتك على شي معيّــن ؟؟؟



ما هو تعريفك
للمجنون؟؟

العاقل؟؟

المتكبر؟؟

المتواضع؟؟


هل انت راض عن نفسك ..؟؟

ماهي حكمتك في الحياة ؟
2/ ماهو طموحك ؟ وهل تحقق ؟
3/ موقف تعتبرينه هو نقطة التحول في حياتك .؟
4/اين تجدين نفسك في اي نوع من الكتابه(الرومنسيه&الثقافيه&الفلسفيه&أدبيه ......)
مآذآ يعني لكـ ..

الشمس ..

القمر ..

اللون الآحمر ..

اللون الآبيض ..

اتمنى اسئلتي لكـِ تكون خفيفه

اذكري قصه حياتك في موجز يتضمن خمسه عشر صفحه على الاقل؟

هعذبك

ازيك ياحلى واطيب توتا في الدنيا
انا هسئل ماشي بس متزعليش مني
عبارة نسمعها دائمآ ( الطيب ملهوش مكانه في الدنيا دي ) .. مارأيك فيها ..؟
هل وثقتِ في إنسان وخانك ..؟ وهل عرفتِ كيف تثقين في الناس ..؟
ع ـبري كما تريدين عن ::

ال ح ـب

الخ يانــة

ال بسـاطة

ال حـسـد

ماذا تعني لك الصداقه !!

دمعه توتا متي تسقط؟

خطوبتك دي عن حب ولا جواز صالونات؟؟؟؟؟؟؟؟



من العضو اللي أول ما تقرأي أسمه في المشاركات الجديدة ع طول دخلين المشاركة ؟ وليه ؟

عندما تودعين شخص غالي عليك هل يكون البكاء احد مراسم هذا الوداع ؟

متى تشعري بأنك قريبه من نفسك؟

كيف تعبرين عن فرحك دائماً؟

متى تشعرين بالراحة والسعادة؟

ماهو الشي الذي امامك ولكن صعب الوصول اليه؟

ماذا اخذتي من النت وماذا اعطيتيه؟

هل يوجد في زمننا هذا شي اسمه مسحيل (رغم التطور العلمي)؟

بس كده كفايه

هي دي الاسئله اللي ربنا قدركم عليها
كسفتوني فضحتوني طلعتو عيال اوعو تكونو خايفين منها

قبل اي حاجة احب اشكر نونا انها اختارتني وان شاء الله هبني لكم جامع ومدرسة


وهقتل نونا

مبدئيا عرفينا بنفسك

انا فرح 20سنة اخت نونا ودي مشكلة في حد ذاتها كلية تربية سنة رابعة


وبعدين جوبي علي الاسئله دي
حاضر ياستي


الشىء الايجابى الى انتي حاسه انك عملتيه فى حياتك؟

اني بعدت عن انسانة فعلا متعرفش يعني ايه صداقة


ايه الشىء الى محبيتهوش وكان خير ليكي فى النهايه؟
دخولي كلية تربية ........بس الحمد لله دلوقتي بحمد ربنا وخاصة اني في اخر سنة هانت يعني ربنا يعديها علي خير

تقدري تكلمنا عن شخصيتك بصراحه؟
مفيش حد بيعرف يتكلم عن نفسه بس اكتر حاجة عرفاها كويس اني عصبية ودمعتي قريبة اوي

- انتي صريحه مع نفسك فى اى قرار بتخديه؟
ايوة
- القرار الى اخدتيه وغيرلك مجرى حياتك؟
الارتباط ربنا يكملنا علي خير ويبعد عننا المشاكل

- علاقتك ايه بربنا واكتر وقت بتحسي انك فى قمة ايمانك؟
الحمد لله اكتر وقت بحس فيه اني في قمة الايمان وانا ساجدة لربنا سبحانه وتعالي

ايه الفرق بين شخصيتك الحقيقيه وشخصيتك فى المنتدى

مفيش فرق غير اسمي
هل وجدتي فى حياتك من يفهمك؟
الحمد لله

هل نــــدمتي على صــراحتك يــــوماً ؟؟
كتير


* ليه الانسان لما بيحب اوى لازم ينجرح اوى .. وخصوصا لما يحب بجد ويوفى لحبيبه؟
بجد المقولة دي صح بس اعتقد لانه مش بيكون متوقع ان الجرح هيكون من اقرب الناس ليه

ياترى فى نظرك إيه اللى يخلى الواحد ممكن يتخلى عن الحب وياترى الظروف ممكن تكون سبب؟؟
اللي ممكن يخلي الواحد يتخلي عن حبه الخيانة ..........الظرف وف مهما كانت متخليش الواحد يخون

هل الفروق الشخصيه بين الطرفين ( الماديه_التعليميه_الفكريه) ممكن تبقى سبب فى اننا نتخلى عن الحب؟؟؟
اعتقد لاء اذا كان في لغة مشتركة ممكن نتفاهم بيها
فى نظرك إيه هى الخيانه... و امتى ممكن نسامح عليها وامتى لا؟ وليه بقت موجوده؟
الخيانة هي كسر ميثاق بين اتنين وبقت موجودةلغياب دور الدين في حياتنا لو الواحد خاف ربنا عمر ماالخيانة هتبقي موجودة وانا عن نفسي عمرب ما هسامح انسان خان

*واخيرا وليس اخرا ايهما تختاروي؟؟ الحب ولا الكرامه؟؟ وليه؟
الحب الحقيقي تضحية مبيفكرش في الكرامة


يا ترى الحب الحقيقى اختفى ولا لاء ... وايه السبب؟؟

الحب الحقيقي مختفاش بس احنا اللي مش بندور صح


كفايا كده النهارده
هو لسة في بكرة حراااااااااااااااااااااااااام
_________________ا

في البداية بشكر نونا علي الفكرة الحلوة دي
ماهي حلوة ليكو ووحشة علي دماغي انا
وبعدين احب اقول لتوتا قلبي معاكي ربنا يصبرك علي اختك
يارب يارب يارب يارب يارب يارب

وبعد كدة اسال بقي
اتفضلي

هل مفاجأت جلوسك على كرسي الاعتراف لها وقع في نفسك ؟ وماهو شعورك وانتي على الكرسي؟

طبعا وقعت قلبي في رجليا ووقعت في نفسي حاجات كتير يانونا ماشي
اكيد مبسوطة انكم بتهتمو وعايزين تعرفوني وزعلانة من كتر الاسئلة

ي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
بصراحة انا هوائية بمشي بقلبي مش بعقلي وعارفة ان ده غلط بس مش عارفة اتغير


س هل ندمت فحياتك على شي معيّــن ؟؟؟

مفيش حد مندمش انا عن نفسي ندمت علي موقف حصل لي قريب واتمني ان اللي انا زعلته من غير ذنب ميزعلش مني


ما هو تعريفك
للمجنون؟؟
انسان عايش معانا في الدنيا بس يمكن يكون عايش في نعيم لانه مش حاسس باللي بيجري فيها

العاقل؟؟
ربنا يكون في عونه

المتكبر؟؟
هيتعب اوي والله في حياته اكيد محدش بيحب المتكبرين

المتواضع؟؟
احسن حد ممكن نقابله

هل انت راض عن نفسك ..؟؟
الحمد لله

بداية بشكرك كتير اوي يا حنون ومبسوطة جدا انك شاركتي وحمد الله علي سلامتك
وبشكرك مرة تانية لان اسئلتك مش كتيرة زي ناس يا هيموتو ياهيموتو

ماهي حكمتك في الحياة ؟
لا حيلة في الرزق ولا شفاعة في الموت

2/ ماهو طموحك ؟ وهل تحقق ؟

طموحي اني اخلص الجامعة اهم حاجة وبعد كدة اللي ربنا كتبهولي هشوفه .هانت ان شاء الله هيتحقق

3/ موقف تعتبرينه هو نقطة التحول في حياتك .؟
دخول الكلية
ا/اين تجدين نفسك في اي نوع من الكتابه(الرومنسيه&الثقافيه&الفلسفيه&أدبيه ......)
انا مش بحب الكتابة ممكن اقرا رومنسي
مآذآ يعني لكـ ..

الشمس ..
نور الدنيا

القمر ..
سحر الليل

اللون الآحمر ..
لون الاهليييييييييييييييييي فريقي المفضل

اللون الآبيض ..

الصفاء والنقاء
اتمنى اسئلتي لكـِ تكون خفيفه
جدا جدا واوعي تيجي تاني

ازيك ياحلى واطيب توتا في الدنيا

اهلا بيكي ياجميل منورانة في المنتدي ومنورة الكرسي اللي شكلك كدة هتموتيني فيه قبل مااطلع انتي ونونا وحنين لغاية دلوقتي

انا هسئل ماشي بس متزعليش مني
لاء هزعل اسئلتك كتير اوي


عبارة نسمعها دائمآ ( الطيب ملهوش مكانه في الدنيا دي ) .. مارأيك فيها ..؟
ايوة مقولة صحيحة الطيب دلوقتي بيتقال عنه عبيط مكانه مش موجود في الدنيا دي الموت بقي اهون له من انه يعيش في دنيا زي دي مش عارفه قيمته


هل وثقتِ في إنسان وخانك ..؟ وهل عرفتِ كيف تثقين في الناس ..؟
ايوة وقعت في انسانة وخانت العشرة ...للاسف الثقة اتعدمت بقيت بثق في ناس قليلة اوي ومش عايزة اعرف غيرهم كفاية

ع ـبري كما تريدين عن ::

ال ح ـب
احلي حاجة في الدنيا مش بالشرط انه يكون حب الحبيب لحبيبه بالعكس حب الناس لبعضها حاجة حلوة اوي

الخ يانــة
ااكتر حاجة وحشة في الدنيا وعمري مابسامح عليها

ال بسـاطة
مفيش احسن منها

ال حـسـد
ربنا يكفي الكل شر الحسد

ماذا تعني لك الصداقه !!
كانت تعني لي الكثير

دمعه توتا متي تسقط؟
قريبة اوي .........دايما واقعة مني

خطوبتك دي عن حب ولا جواز صالونات؟؟؟؟؟؟؟؟
صالونات ربنا يكملها علي خير

من العضو اللي أول ما تقرأي أسمه في المشاركات الجديدة ع طول دخلين المشاركة ؟ وليه ؟
lovely......... بحب اشوف مشاركتها اول واحدة مش معني كدة هي بس بالعكس كل الاعضاء موضوعاتهم هنا حادلوة اوي ومحترمة ومفيدة وان شاء الله نستفيد كلنا

عندما تودعين شخص غالي عليك هل يكون البكاء احد مراسم هذا الوداع ؟
ايوة هي الاساس

متى تشعري بأنك قريبه من نفسك؟
لما بقعد لواحدي وانا زعلانة بتحاسب مع نفسي كتير فبكون قريبة مني اوي

كيف تعبرين عن فرحك دائماً؟
مش بعرف اعبر عن فرحي بس لما بكون فرحانة بحاول افرح اللي حواليا

متى تشعرين بالراحة والسعادة؟

لما بتكلم مع اعز الناس ليا

ماهو الشي الذي امامك ولكن صعب الوصول اليه؟
حلمي مش صعب لكن بعيد شوية ربنا يقربهولي

ماذا اخذتي من النت وماذا اعطيتيه؟
اخذت منه معلومات حلوة كتير ومعتقدش اني اديته حاجة للاسف


هل يوجد في زمننا هذا شي اسمه مسحيل (رغم التطور العلمي)؟
مستحيل ان الشمس تنور بالليل اعتقد لو مهما زاد التطور العلمي فده مستحيل يبقي المستحيل اكيد موجود

بس كده كفايه

ياراجل لا كنتي كملتي عشان تكنملي عليا ايدي وجعتني حرااااااااااااااااااااااااام

كسفوكي وفضحوكي في واحدة عاقلة تقول لاختها اكتبي حياتك في 15 صفحة وبعد كل الاسئلة دي فضحوكي وكسفوكي ماشي يانونا جايلك يوم

السلام عليكم
الاول احب اعرفكم بنفسى انا محمد من الاسكندرية17سنة
ا انا والله صعبان عليا توتا والله يقدرك عاى نونا
علشان كدة بعد ما تجوبى على الاسئلة انا اخترت نونا بعد اذنكم علشان هى بتسأل يامة احنا بقى نسألها بس اوعى تزعلى

اهلا بيك محمد من الاسكندريه

بس المفروض اللي يرشح العضو التالي هوه اللي علي الكرسي حاليا

يعني توتا هيه اللي هترشح مين اللي بعدها

وكمان كرسي الاعتراف للشخص الموجود لمده 3 ايام

شكرا ليك يا محمد

الاول ازيك عامله ايه مزاجك حلو ؟

,والله العظيم زي الزفت مزاجي وحش فعلا


هنبدا الاسئله تاتا تاتا
طيب ياختي

هل انتي رومانسيه ؟
يعني مش اوي

ما هو مفهوم السعاده لكي واين تجديها ؟
االسعادة اننا نرضي بالمكتوب
عندها يشعر الانسان بطمأنينة القلب وإنشراح الصدر
وراحة الضمير
وأمن وأمان
ورضى بكل ماقسمه الله وماقدره له
حتما وقتها يشعر الانسان بالسعادة

ما هي اعظم كلمه سمعتيها وديما علي بااااااااالك؟ولا تقدري تنسيها ؟ ومن مين؟
اعظم كلمة لما نونا قالتلي اقعدي عالكرسي وربنا ماهنسهالها


ماهي اجمل اللحظات في حياتك؟
لحظة الغروب

من هو الشخص الذي تحتاجينه بقريه منك الان؟
انسان عزيز عليا

من هو تؤام روحك ؟
اعتقد نفس الشخص

ماهو الحدث اللي بتنتظريه يحدث بفارغ الصبر ؟

اخلص الكلية دي بقي
اصعب كلمه ممكن تسمعيها ؟
الفراق

ما هو الشخص الذي لا ترفضي له طلب ؟
انتي طبعا والا مكنتش جاوبت علي الاسئلة

ما هو اعظم جرح دفنتيه؟
بصراحة مش عارفة مفيش اغتقد

ما هو افضل مكان تترددي اليه ؟
بيتنا

لو رجع الزمن بتوتا تتمني يرجع لفيين؟
للطفولة ايام مكنت مش فاهمة حاجة

هل انتي شايفه نفسك جميله ؟

لا خالص


تعرفي تطبخي ولا هتفضحينا ؟


علي قدي
لو كنتي عميده كليه التربيه .... ايه شعورك؟؟

هبقي مبسوطة اوي هخفض اسعار الكتب شوية حرااام عليهم

هل المرأه مهانه الان من وجهه نظرك؟؟

ايوة طبعا المراة دايما الكل بيديها احساس انها ولا حاجة
عمرك اعجبتي بشخصيه ومعرفتيش توصليلها ؟
اكيد شخصية الرسول محمد عليه الصلاة والسلام

لو معاكي 5وردات تحبي تهديهم لمين من الاعضاء؟
انا وانا وانا وانا وانا كلكم وحشين بتسالو كتير

ما هي احسن هديه جتلك بتعتزي بيها جدا ؟ امتي ؟ ومن مين ؟

احسن هدية جاتلي مصحف من نونا في عيد ميلادي
اخر مقلب طريف حصلك؟ ممكن تحكيه وتضحكينا معاكي او عليكي ؟
بصراحة مش فاكرة مقالب خالص اخر مقلب اعتقد كان من زمان اوي ومش فاكراه
فاكره تاريخ ميلادك ولا نسيتيه؟ وايه برجك ؟

فاكراه 11/8/1988 برج الاسد
واخر سؤال عشان ارحمك بقي


لو كرسي الاعتراف مكسور هتعملي ايييييييييييييييييييييييييييييه ؟

هقع واتكسر واخلص منكم
كسفتك ولا رفعت راسك يا نوناااا

دايما رفعاها وواجعة ايدي
جاوبي بصراحه يا فرح

اولا معلش لانى مكنتش معاكو من اول اللعبة
ثانيا ازيك يا توتا عاملة ايه يارب تكونى احسن من نونا
السؤال بقى:
ايه اللى انتى بتحلمى بيه ونفسك يتحقق؟
سؤال صغير عشان متعبكيش

انا اسف جدا جدا جدا جدا لكن مكتنش اعرف ان لازم اللى على الكرسى هو اللى يرشح وانا حخرج من اللعبة مع السلامه ومرة تانية انا اسف

هاااى توتاااا اتاارى الكرسى منووووووووور

---انتى وقعتى ومحدش سمى عليكى --- نبداا احنااا بقى

اسئلة سهلة جداااااا ----- بس لو فى سواااال متكرر ولاا حاااجة ما تجااوبيش علية اوك ياا جمبل


----------------
1-- بتشجعى فريق اية فى مصر ؟؟؟؟ شفتى السهووووولة

2--هل تمنيت ان تكون شخصيه مختلفه عن شخصيتك الحاليه ؟؟


3-ما هي أكثر صفة تحبيها و أكثر صفة تكرهيها؟؟

4-لو حد غاالى عليكى اوى جرحك ماااذااا تفعلى -- انتقاام -- ولااا هتساامحى ؟؟

5-ايه شروطك وموااصفاات زوج المستقبل ؟؟


6-ايه موقفك من الحب ؟ وهل جربتيه ؟ وهل تؤمنى بوجود الحب ؟؟؟

---------------------- انا بقوووول كفااية كدااااا وراااجع تااانى هسال بس شوية كدااااا

-------- جميع الاسءلة اجباااااااااااارى ---- بس ممكن تستعينى بصديق


------- بس فى اسهل من كدااااااااااااا

يلاااااااااااا هنعرف انتى مزاااكرة و لاا لااااا
:lol!:

هاااى توتاااا اتاارى الكرسى منووووووووور
اهلا ياشادي وكرس الاعتراف اكي منور دايما باللي هيقعد عليه
---انتى وقعتى ومحدش سمى عليكى --- نبداا احنااا بقى
من اولها ياشادي

اسئلة سهلة جداااااا ----- بس لو فى سواااال متكرر ولاا حاااجة ما تجااوبيش علية اوك ياا جمبل




----------------
1-- بتشجعى فريق اية فى مصر ؟؟؟؟ شفتى السهووووولة

الاهلي
اكيد مفيش اسهل من كدة
2--هل تمنيت ان تكون شخصيه مختلفه عن شخصيتك الحاليه ؟؟
ايوة

3-ما هي أكثر صفة تحبيها و أكثر صفة تكرهيها؟؟
بكره الخيانة وبحب التواضع

4-لو حد غاالى عليكى اوى جرحك ماااذااا تفعلى -- انتقاام -- ولااا هتساامحى ؟؟
اكيد هسامح............. بس مش في اي حاجة في حاجات مينفعش اسامح فيها

5-ايه شروطك وموااصفاات زوج المستقبل ؟؟
يتقي ربنا فيا ان احبني اكرمني وان كرهني لن يظلمني بس كدة

6-ايه موقفك من الحب ؟ وهل جربتيه ؟ وهل تؤمنى بوجود الحب ؟؟؟

والحب لست انا ولا انت بل كل الانسانية جربته وعاشت بين ادغاله
ايوة اكيد
او لديك شك في ذلك . حبنا لله وحبنا لرسول اليس من الحب

وكذلك حبنا للاسلام عن
غيره من الاديان الاخرى يعتبر من الحب ..



---------------------- انا بقوووول كفااية كدااااا وراااجع تااانى هسال بس شوية كدااااا
اكيد مش هينفع لاني حالا هختار اللذي سيجلس مكاني علي كرسي العرش كرسي الاعتراف
-------- جميع الاسءلة اجباااااااااااارى ---- بس ممكن تستعينى بصديق

مش هستعين ياعم انا الحمد لله جاوبت لواحدي
------- بس فى اسهل من كدااااااااااااا
بصراحة في كتير وانتم اللي مش بتدورواههههههههههه
يلاااااااااااا هنعرف انتى مزاااكرة و لاا لااااا
احب اعرف تيجة الامتحان ياريت

اختار مكاني شادي ياريت يستعد للجلوس علي الكرسي ويبدا ببطاقته الشخصية
كلنا نرحب بشادي ياجماعة

اهلااا شاادى يوووومك اسود ونوورت الكرسى ---------- وربنااا معاانا

اووووووووووووك توتااااا ------ يلااا استعناا على الشقى بالله

---- ماا شى ياا توتاااااا هى كدااااا --- بس عرفتى تهربى من السوالل رقم 6
بس اجااباااتك حلوة

------------------------- انا شادى 18 سنة ونص

تااانية حقووووووووق عين شمس

بس كدااااااااااااااااااااا

انااااااااااااااا مسنعد لقى سواااااااااااااااااااااال بس تكووووووووووووون سهلة كدااا

يليييييييييييييييييييييييييييييييييييييز


انا هزاااكر بقى عشاان الاسءلة


وكفاااية اسءلة بقى حراااام كداااا :) :) :D

بداية اهلا وسهلا يا استاذ شادي
منوووووووووووووووووووور

تفضل قبل اي حاجة استريح هنا





القهوة اتفضل





كفايه دلع نسال بقي


ما هي طموحك وأهدافك في الحياة..والتي ترجو ألا تقابل ربك إلا وهي محققة؟

معة سقطت من عينكم ؟؟ من كان سببها؟؟

نقظة ضعفك؟

" عبرة " و " ابتسامه " و " نظرة شفقه " لمن تهديها؟