اللي يقولك بحبك ولا اللي يدخل من الباب؟؟؟؟؟

الى كل بنوته ف المنتدى كل منكم تتمنى الارتباط بفارس احلام يخطفها على حصانه الابيض ف الابيض ويروح بيها على جنته والله اعلم الامنيه ستتحقق ام لا و مع تاخر الامنيه تتمنى سماع كلمه------بحبك----- من شاب ولماتلاقى الى يقولها يجي ابن الحلال الى مايتعيبش
هتعملى ايه هترفضى العريس الجاهز الى بيستنى عروسته ولا هتستنى الى قال بحبك لحد مايكون نفسه وبابا وماما مايرضوش بيه
الى كل بنوته حلوه بتحلم ببيت صغير و واحد يحبها لازم نفوق الفرصه مابتجيش الا مره واحده ولما تروح مش هترجع تانى العمر دقائق بل ثوانى

هذا الموضوع موجه لشخص اعرفه ويعرفنى فساعدوه بردودكم

بصي يابنتي انا مش هقول غير جملة واحد بس

اللي يحبك بجد هو اللي هيدخل من الباب

أنا هقولك كلمه و مفيش غرها هى
ما يلزمنيش

لو على حساب اللى جاهز يبقى هى كمان اكنها قطعه اثاث

اما لو بيحبها بجد وبيعمل كل شىء علشان يوصلها ده اكيد الاحسن

ده راى وشكرا على الموضوع

انا شايف ان الحب من غير فلوس فى الزمن بتعنا دلوقتى مينفعش
لانو اكيد الحب دا اللى من غير فلوس مش هينتهى النهاية اللى بتحلم بيها اى بنت واللى هيا الجواز
وبعدين مفيش اهل اى بنت دلوقتى بيصبرو على الشب لحد ما يجهز
و بنضيع سنين من عمرنا ورا كلمة بحبك اللى ملهاش معنى من غير الفلوس والمديات
وفى الاخر الاهل هما اللى بيفرقو بنا والسبب الفلوس
وانا بقول لكل بنت لو جالك عريس جاهز ادى نفسك فرصة تحسى بية تحبية ممكن تلاقى حاجة تشدك لية

والله انا شايف ان الحب مش كلمه
وكمان الى يدخل من الباب برده ممكن يكون داخل للعب بس
انا اعرف شباب لما بتحب تتعرف على بنات ومش عارف يتكلم معاها
بيخطبها
وبعد كده بيفركش
المشكلة فى ان احنا فى زمن الحب فيه مش بجد
وبقينا كمان بنخلط بين الحب والاعجاب
وكمان بقينا بنخلط بين الحب والزواج البنت دلوقتى تقولها بحبك تقولك هتيجى تكلم بابا امتى
طيب مش الاول تعرفيه وتعرفى اخلاقه وتتأكدى من كلامه وكمان تتأكدى من مشاعرك نحيته
علشان كده انا بشوف ان زواج الصالونات فى الايام دى هو انسب حاجة
ده طبعا رأى الشخصى
تقبلى مرورى

ميرسي يا نور بجد رايك حلو اوي