موضوع للحوار العقلانى, لماذا اخطاء الشباب طيش واخطاء الفتاه جريمه

موضوع للحوار العقلاني والهادف والمنصف بعيداً عن العصبية.

لماذا أخطاء الشباب طيش ... واخطاء الفتاة جريمه ...؟؟؟؟؟؟

في ارتكاب الأخطاء !!.

نجد ان المجتمع يفّرق بين الشاب والفتاة .

فإذا ما تم ضبط شاب وفتاة مثلاً في وضع مخل أو وضع غير ذلك في مكان خاص او عام .

نرى الشاب يحصل على البراءة في فترة وجيزة , ويتغاضى المجتمع عن أخطائه ويتناساه .

ونرى الشاب يواصل حياته وكأن شيئا لم يكن .على الجانب الأخر ,يتعامل المجتمع مع البنت

المخطئة على أنها مجرمة ,أو منحرفة , فهي أخطأت في حق نفسها ,أسرتها ومجتمعها , ونجد الكل

في حالة ترقب للنيل منها .والحكم عليها بالإعدام , وتصبح منبوذة طيلة حياتها , حتى فرصتها في

الزواج تقل وقد تنعدم بعد أن تسقط من حسابات أي شاب يرغب يسعى الزواج .

وانا لا اعني بكلامي هذا ان يتغاضى الانسان عن اخطاء البشر سواء كان شاب او فتاه

ولكن يجب ان يعطى الانسان فرصه اخرى بحياته. وأعني أيضاً الرحمة والرفق بالفتاه

فان كان الله وهو خالق كل شي وفوق كل شي جل وعلا يرضى ويغفر للكافر

الذي عمل وعمل مايحلو له من ذنوب بعد توبته .....

فنحن البشر لانستطيع ان نصفح ونجدد البسمه في حياة ناس ماتوا وهم احياااء!!!

فهل من العدل تحتمل الفتاة وحدها هذا الوزر وتدفع ثمن خطئها طول العمر ........؟؟؟

وهل نطلق العنان للشاب لكي يجرب . لكي يخطئ بحجة "الطيش " والنزوات ....؟
و ما هي مسئولية المجتمع .

وبحكم أنكم أعضاء في المجتمع قبل أن تكونوا أعضاء بالمنتدى فأتمنى أن يكون الحوار عقلاني وبعيداً عن التعصب.

الموضوع دة فعلا مشكلة كبيرة
ولكن تلك هى العادات والتقاليد فى مجتمعنا الشرقى
الولد ولد والبنت بنت
احاديث تدور فى مجتمعنا افادتها انة عندما يخطىء الولد فلا ضرر فى ذلك غلطة وممكن تعدى بمنتهى السهولة بينما البنت عندما تخطىء فتلك مسالة شرف عائلة باكملها فى ظل العادات والتقاليد لا تغفر ابدا

ميرسى على الموضوع الرائع

بس ياحنين ده بيرجع للتربية يعنى لو اتربي الطفل على ان دة غلط وده صح و انك لو غلطت هتتعاقب يعني لو زرعنا فيهم من و هما اطفال ان الولد و البنت متساوين وان فى ممنوعات المفروض ماتتعملش هيمشوا صح هما الاتنين يعني مفيش فرق...
انا دايما مع اننا نعاقب الولد و البنت و دة عن طريق اننامنقولش ولد او بنت نقول انسان غلط ولازم ياخد جزائه
بشكرك جدا جدا جدا ياحنين علي ابداء رايك
وكمان احب اخص بالشكر الانسة نونا علي الموضوع الهايل ده واتمني التفاعل من باقي الاعضاء...

انا معاكي ياحنين لان البنت ممكن توافق انها تتزوج من شاب قد يكون ارتكب اخطاء قبل الزواج لكن الولد بيرفض انه يرتبط ب بنت ارتكبت قبل ماتعرفه اي غلطة
يبقي المسالة مالهاش علاقة بالتربية دي يابنتي عادات وتقاليد اتربينا عليها من زمان اوي
الولد يعمل والبنت ماتعملش هو ولد وانتي بنت حسابك مش زي حسابه
خلاص بقي بقت روتين حفظناها

ياجماعة
انا مبقولش ان احنا نفرح بالبنت لما تغلط
لاء لازم تتحمل نتيجة غلطها
بس لما تتوب وتعرف ان الله حق
نديها فرصه تانيه
منحاسبهاش عمرها كله عشان غلطتها
ده ربنا بيغفر لازم احنا كمان نسامح
ولازم الولد يتحمل الغلط معاها
ويتحمل نتيجة غلطه ومش نبرر ليه اللى عمله
بكلمة الطيش
زى ما البنت ليها شرفها ولازم تحتفظ باخلاقها وادبها
لازم الولد برده يراعى شرفه ويحتفظ باخلاقه
والبنت برده مش لازم توافق علي واحد هي عارفة انه غلط قبلها كتير زي ماهو من حقه يرفضها هي كمان من حقها ترفضه ولا انا غلطانة؟
ميرسى تانى عالتوبيك

معاااااااااااااااااااكي طبعا ياتوتا
وده اللي انا بقوله
احنا لازم مانوجهش دايما الكلام للبنت انها غلطانه ونسيب الولد يعمل مابداله المجتمع ده بيتكون من رجل وامراة مش رجل يعمل اللي هو عاوزه وميتحاسبش وبنت لو شتمت مش هقول عملت مصيبة تبقي غلطة ميغفروهالهاش طول عمرها
يبقي لازم مايكونش في تفرقة بقي ولا ايه؟
اتمني اعرف راي شباب المنتدي كمان ياريت تشاركونا الاراء ياجماعة

هو بالنسبه للمجتمع بتاعنا هيقول كده على البنت هيا اللى غلاطانه وبلنسبه للشاب فهو عادى وهيقولو شاب وعاوز يعيش ايامه وهينسم فيما بعد انما البنت زى ما نونا قالت كده مش هينفع عندنا فى الوقت الحالى ممكن ناس تتقبل الموضوع عادى وفى ناس هتفهمه بطريقه غير صحيحه .... الموضوع ميتسكتش عليه .....