يلا يا عبده انت اللى على الكرسى

كده يا جماعة عبده اللى على الكرسى
ادخل يا عبده وطلع بطاقتك وقول كل اللى فيها

منتظر اسأله باقى الاعضاء على عبده

اسمى عبد النبى عطيه
السن 22 سنه الا خمس ايام
المهنه طالب فاشل فى كليه التجاره

الى بعده

أهلا اهلا
منور الكرسى
واحد نسكافيه على حسابى لاستاذ عبده

1ـ باقه ورد لمن تهديها ؟

2 ـ شخص لا ترفض له طلب ؟

3 ـ _ما رأيك بهذه الكلمات ..

الخيانة ..

المرأه..

الصداقة ..

النميمة ..

النفاق ..

4 ـ هل انت راض عن نفسك ..؟

5 ـ ماهي حكمتك في الحياه ؟

6 ـ طموحك في الحياه ؟

7 ـ[size=16]ماذا تحب أو تكره في شخصك؟[/size]

[size=16]6 ـ [/size][size=16]ما أجمل زهرة في حياتك؟[/size]

[size=16]7 ـ [/size] ماهي اجمل اللحظات في حياتك ؟

8 ـ ما رأيك فى اعضاء المنتدى واحد واحد

متشكر اوى يا حنين على التحريب الجامد اوى ده وهرد على كل اسئلتك
1:باقه ورد باهديها لاعضاء المنتدى كلهم
2:الشخص الى عمرى ما ارفضله طلب هو بابا لانه الى هيجوزنى
3:الخيانه ضد الامانه وعمرها ما تتوجد فى صاحب
4:المراه نصف المجتمع كائن رقيق ربنا خلقه علشان الكون يزيد كمال وبرده منساش انها النص الحلو فى حياه كل واحد حبها عنيف غدرها مخيف وبايديها تقوم حروب وبكلمتها تهدى نظرتها قاتله ضحكتها تخلى الحجر يدوب
5:الصداقه شيئ جميل لازم لكل واحد فينا بيها اجتمع الصديق مع الرسول فى الجنه وبيها فى بلدنا اجتمعنا
6:النميمه صعبه غدر خيانه ونتانه انا عن نفسى مبحبش الشخص الى بيمارسها
7:النفاق بيحقق الامنيات بس مش عند كل الناس والى بيقبله بيحس بتعالى وتكبر والنفاق درجه من درجات الكفر وفيها حديث (قال رسول الله صلى الله عليه وسلم)(ءايه المنافق ثلاثه اذا حدث كذب واذا وعد اخلف واذا اؤتمن خان)صدق رسول الله صلى الله عليه وسلم
8:هل انت راض عن نفسك؟ سؤال مش المفروض انى انا الى اتسئله المفرض حد غيرى صاحب منصب اما انا فى الوقت الحالى مقصر فى حياتى كلها ومن كل الجوانب
9:حكمتك فى الحياه:ليس كل من قال كلمه حب فهو حبيب وليس كل من ابتسم فى وجهك فهو صديق بل الحبيب من قدم نفسه لك قربنا والصديق من اصدقك القول والافعال
10:طموحى فى الحياه انى ابقى رئيس جمهوريه
11:ماذا تحب او تكره فى شخصك بحب فى نفسى الحب وبكره الضعف مش لانى ضعيف بس لانى مجبر عليه
12: اجمل زهره فى حياتى هيا حب عمرى الى عمرى مهما عملت مش هوفيها حقها
13:اجمل اللحظات فى حياتى لما ابن اخويا اتولد دا طبعا لانه اول طفل فى بيتنا بعد 7 سنين جواز
14:اعضاء المنتدى كل واحد لازم يكون فيه عيب بس لاننا اصحاب فالاحسن هو الى باين وعلشان كده كل اعضاء المنتدى اصحابى وناس محترمين رغم عيوبهم الى منعرفهاش

اتكلم عن الظاهر مش الباطن يا عبده

سأعوووووووووووووووووود

انا بتكلم على الى شايفه وحاسس بيه يا نور واذا كان ده الباطن بتاعى يبقى اكيد الظاهر هيكون احسن من كده بكتيييييييييييييييييييييييييييييييييييييييييييييييير
ولو انتا عايزنى اتكلم عن الظاهر الى انا وانتا عارفينه يبقى هكذب عليهم وانا مبحبش الكذب وانتا عارف كده

منتظر اسئلتك يا نور وهجاوب عليها بكل صراحه وشفافيه مش لانك صاحبى بس ده الى لازم اعمله

عاوز النمساوى
اهو جالك النمساوى يا اخويا
هههههههههههههههههههههههههههه
بس المرة دى بقى مش نمساوى ده الشبح بنفسه

رد على اللى جاى يا سيدى

انت مين ؟؟؟

وايه هدفك فى الحياه؟؟؟؟

ايه رأيك فى بنات اليومين دول ؟؟؟؟

تقدر تقول انك ليك صاحب بجد ؟؟؟ ولو ليك مين هووووو ؟؟؟

اقرب واحد ليك فى الدنيا مين ؟؟؟؟

ايه الموقف اللى حصلك فى حياتك وكنت بتقول يا ارض انشقى وابلعينى؟؟؟؟؟

ايه الحاجة اللى حصلتلك فى الدنيا وفرحت اوى وكان نفسك تحصل من زمان؟؟؟؟؟

انت رومانسى ؟؟؟ يعنى من الاخر بتفكر بعقلك ولا بقلبك؟؟؟؟

ايه اللى بيعجبك اوى فى المنتدى وايه اللى نفسك تغيره فى المنتدى ومين العضو اللى لما بيرد على موضويعك بتبقى مبسوط اوى؟؟؟؟؟

ما رأيك فى كل من بكل صراحة ووضوح

نونا
توتا
بوسى
برنسيسه
حنين
لوليتا
واخيراااا نور؟؟؟؟

ايه رأيك فى افلام اليومين دول
وايه الفلم اللى انت لو اتفرجت عليه مليون مرة ما تزهقش منه؟؟؟

بتحب مين من الممثلين
وكمان من المممثلات
والمطربين والمطربات

هل انت اجتماعى يعنى بتحب الناس والتعارف؟؟؟؟؟

مين مثلك الاعلى فى الحياه؟؟؟؟

ناوى تعمل ايه لما تتخرج؟؟؟؟؟

كفايه عليك كده يا معلم
وهجيلك تااااااااااااااااانى
سلام يا نمساوى
اقصد يا عبده
هههههههههههههه

اوك يا نور طلبك قيد التنفيذ ومتزعلش انتا الى جنيت على نفسك

شبيك لبيك
انا تحت امرك يا نور بيه
فى الاول احب اعرفك انى هجاوب بكل صراحه وياريت متزعلش لان الحق طول عمره بيزعل
انا مين :انا الى ضاع من عمرى سنين بدور على حياتى فى ايه قضيتها وبقييه هنهيها بس الحمد لله لحد دلوقتى فى الطبيعى
ايه هدفك فى الحياه: هدفى بسيط جدا ابسط من انك تستوعبه او تحس بيه لانى بكل بساطه طالب راحه البال والزوجه الصالحه وعلى ايدك بحاول احقق ده وحققت فيه كتير اوى
ايه رأيك فى بنات اليومين دول:تانى سؤال مش المفروض انى اجاوب عليه لانى معرفش بنات كتييييييراو بمعنى اصح مابتعملش معى بنات كتير بس علشان متبقاش حجه ليك هقول راى البنات عموما قلبهم طيب لان من طبيعه خلقتهم ان ربنا جعلهم سكن للرجل ومفهوم السكن هو السكون من بعد الحركه والفطره الطبيعيه بتقول ان الذكر فى كل الكائنات تقريبا هو الى بيعمل والانسى ترعى الصغار
وربنا بيقول (ومن ءايته ان خلق لكم من انفسكم ازواجا لتسكونوا اليها وجعل بينكم موده ورحمه) وده الى بيميز البنات عن الشباب بالنسبه لبنات دلوقتى لو فيه اى حد لفت انتباههم بيصدقوه وبيعلقوا كل ءاملهم عليه دا طبعا مش لانه الراجل الوحيد بس لانى الحياه الى احنا عايشين فيها تخلى اى بنت تقول ظل راجل ولا ظل حيطه وده الى بيخل الشاب بيتغر فى نفسه وبيفكر انه مقطع السمكه وذيلها واخدلى بالك انتا وببساطه بقولك ان البنات كلها قلبها طيب وده الى بيخليهم يسلموا نفسهم لاى حد يحسسهم انه اد المسؤليه وممكن يخليهم يضحوا بحجات كتييييييييييييييير قصاد امال زائفه زى مثلا واحده مخطوبه عايزه تحط اهلها قدام الامر الواقع علشان خاطر انها بتحب واحد جزمه بيتسلى بيها.هههههههههه
تقدر تقول ان ليك صاحب بجد: للاسف يا نور هخيب ظنك لانى ليا فعلا ليا اصحاب بجد مش صاحب واحد والى بيزعلنى ان فيهم واحد بس من شلتنا وطبعا انا عارف انه محمود
هو مين :انا هذكرلك ناس ممكن تكون تعرف حد فيهم محمود سعيد .احمد ابو عيله.احمد الشرشابى.احمد همام.دول كفايه لان ليا ناس كتييييييييييير اوى لو كنت انا بعزهم قيراط هما بيحبونى 24 قيراط يعنى فدان
اققرب واحد ليا فى الدنيا :احمد همام
الموقف الى حصلى وكنت بقول يا ارض انشقى وابلعينى:هو موقف واحد فى حياتى لما كنت بحب واحده وكنت عايز اخطبها واهلى كانوا مش موافقين لانى كنت ساقط سنه فى الكليه وروحت اتقدمت لوحدى لانى بحبها اوى اوى ولما رحت كان اهلها موافقين بس كانوا عايزين حد من عيلتى علشان الكلام يبقى ثقه وقبل ما امشى اخوها قالى متحطش امل لان بابا عارف ان اهلك مش موافقين ورغم انه بيحبك بس هو لازم يرفض حتى لو اهلك جهم طلبوها مننا.
ايه بيعجبنى فى المنتدى التشجيع الى فيه وان فكره عمل الكافيه على انه ملتى على النت فكره كويسه انا بحيى الى فكر فيها
الى نفسى اغيره فى المنتدى:روح التعاون وان لازم كل مشرف يقدم مواضيع جديده ومن مجهوده الشخصى وده الى المفروض يقدمه علشان يبقى مشرف والا ايه الى يميزه عن اى عضو عادى والمفروض ده يتنفز واى مشرف ميعملش كده يتسحب منه الاشراف ويرجع عضو عادى
مين الى بيعجبنى لما بيرد على ماضيعى:كل الاعضاء ردودهم كويسه وبتريحنى بس العضو الوحيد الى بيحفزنى اكتر انى اققدم كل مجهودى للمنتدى هيا نونا الى فعلا تستحق ان يكون ليها منصب فى المنتدى ده لان ردودها متميزه ومشاركتها بمواضيع متميزه جداجدا وبصراحه وجودها بيزود المنتدى حيويه وفاعليه اكتر
ايه رائيك فى كل من وبصراحه ووضوح:انا سبق وقولت انى اى سؤال هتسئله هيكون فى المقابل رد بكل صراحه وده كان من اول سؤال
اولا نونا وتوتا وحنين وبوسى والبرنسيسه ولويتا : الى اققدر حكم عليها فيهم هيا لوليتا لان سنها صغير جدا وده الى يخليها على طبيعتها اكتر وان كل كلمه طالعه منها هيا فعلا الى بتدل على حقيقه شعورها وعلى العموم واوضحهالك يانور لانك بتفهمنى صعب شويه ! كل الاعضاء فيهم عيوب بس انا معرفهاش لانى مش صاحبهم من زمان واننا بنتكلم من خلال جهاز يعنى مفيش اى مواجهه بنا وكل كلامنا بيبقى مجامله وسعات كتير بيبقى مش حقيقه وده الى بيخلينى اققول ان الظاهر ليا من كل عضو هو احسن ما فيهم وبكده اققدر اققولك انهم ناس كويسين جدا ومحترمين وبيفكروا كويس جدا جدا .وهو ده الى انتا مقدرتش تفهمه من اجابتى على حنين
راى فيك بكل صراحه لانى عاشرتك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اققوله بينى وبينك انى الناس هنا شايفه الظاهر بتاعك مش الباطن ومش هقدر ازود عن كده
ايه رائيك فى افلام اليومين دول: كلها افلام هابطه
الفلم الى لو اتفرجت عليه ما ازهقش من الجديد دكان شحاته لانه بيحكى عن ظلم الاخوات لاخوهم الى بيضحى بكل حاجه علشانهم اما الافلام القديمه هو فيلم الناصر صلاح الدين لانه بيحكى عن عزه العرب وبيخلينى اعيش الزمن الى كان نفسى اتولد فيه
الممثلين: محمد صبحى لانه بيجسد الحياه فى اعماله والاخلاق والقيم فى مسلسلاته
الممثلات:منى زكى
المطربين ايهاب توفيق الاغانى القديمه
اصالا جديد وقديم
هل انت اجتماعى : فى الحياه العمليه لا بحب الوحد لانه دائما ما تفيد ولانها بتخلى ذهنى صافى فى كل الاوقات اما فى البيت وعلى النت انا اجتماعى جدا لان ده الهدف الاساسى من دخولى النت
مين مثلك الاعلى فى الحياه :انا مليش مثل اعلى لانى مليش اى هدف فى حياتى غير انى اعيش بالى رايق مع الانسانه الى بحبها حتى لو كنت عايش على شط بحر والرمل كانت فرشتنا ورموش القمر غطانا وموج البحر بسمتنا ودموع الندا اكلنا وشربنا
ناوى تعمل ايه لما تتخرج : كل الى هعمله هعيش حياه مستقره زى اى حد عايش فى بلدنا هدور على حقى فيها وعمرى ما ههرب منها وادى تعبى لبلد تانيه وده ببساطه لانى مش هقدر ابعد عن حب عمرى لحظه واحده

والله يا عبده صراحتك زايده عن اللزوم
بس عجبانى اوى
شكرا على ردك يا مان
فين باقى الاعضاء واسألتهم

وانا ليا عودة تانى ان شاء الله

انا مش ببالغ او بزود على الكلام دا اققل من الى المفروض يتقال يا نور فى الى يخصك

حبيب قلبى

مين سى عبدووووووو

انا بقى هسئلك شوية اسئلة خفيفة بعيدا عن الحزن

قول وحياة الاخوة لاقول الحق هههههه

ماهو الموقف الطريف اللى كل لما تفتكره تضحك؟

انسان كل ماتشوفه تضحك متفدرش تمسك نفسك من الضحك؟

موقف محرج حصل لك هو .............. ؟

مين العضو اللى تقولو

الموت علينا حق

انت عمرى

انت اتغيرت اوى

انت طلعتلى منين

دمك تقيــــــــــــــــــــــــــــل

انت مبتجيش لية

ههههههه بس يا مان كفاية كدا بعد الاسئلة العسيرة اللى انت اتسئلتها حبيت اديك شوية اسئلة خفيفة كدا

يلا يا عبده انت اللى على الكرسى 401917

بس دا ليك انت بس اى عضو تانى هيتعصر يلا يا عبده انت اللى على الكرسى 401917

ازيك يا سى علاء واسئلتك زى الفلفل حراق
مبدئيا بقولك نورت من غير كهربه
ولو كان عندنا حاجه غير الشاى كنت عملتلك بس زى مانت فاهم الضيف المجنون يشرب الشاى ويقوم
وبصراحه احنا بنام بدرى
الموقف الطريف الى كل ما افتكره اضحك:الموقف دا حصلى لما كنت فى الامتحانات بتاعت السنه دى وكنت قاعد زهقان انا وواحد صاحبى اسمه محمود وكان لينا اتنين صحاب تانين بدون زكر اسامى . المهم علشان مطولش كالعاده انا حبيت اخليهم يتصالحوا على بعض امت مكلم واحد منهم عقله على اده شويه عن ريق ايميل التانى الى طبعا كنت عارف الاسم الى بيدخل بيه والباسورد والى بيخلينى اققول عليه ان عقله على اده دا لانى كنت عايز اغير الباسورد بتاع الايميل ده وسالته اغيره ازاى وهو معتقدش ومفكرش انى ممكن اكون انا الى بيستخدم الايميل بدل صاحبه! المهم قولتلو ان بابا مريض فى المستشفى ولازم تجيلى علشان تبقى معايا فى الموقف ده لاننا صحاب طبعا هو لانه بيحب النوم والرحرحه قالى هجيلك وطبعا ده متنفزش والطريف فى الموقف انى قولتلو ان عايزو يجبلى تفاح علشان الفكهانى الى عندنا قفل والدكتور قالى لازم ابوك ياكل تفاح علشان يبان فى التحاليل نسبه الجليكولول الى فى الدم(فى ناس اغبيه للدرجه ده)هوطبعا قالى اوك انا هجيلك بكره وهجبلك طلبك وطبعا علشان السذاجه ده انا ومحمود صاحبى فضلنا نضحك لحد تانى يوم الصبح دا طبعا باختصار شديد لان الموضوع فيه كلام كتير ودمه خفيف مينفعش انى اققوله بس انا بقولك بكل صراحه انا بضحك على الموقف ده من قلبى لحد دلوقتى.
انسان كل ما تشوفه تضحك:هما اتنين استاذ عبد الحميد بقصمات وصاحبى العبيط الى حكتلك عليه.
موقف محرج حصلى :نور سالنى قبل كده وجاوبت عليه لان هو موقف واحد الى حصلى
العضو الى اققوله :
1: الموت علينا حق:هو نور علشان سته الى ماتت الله يرحمه هيا وخال نور.
2:انت عمرى :نونا علشان الردود بتاعتها مميزه وبتعجنبى.
3:انت اتغيرت اوى:سينا انه حالو اختلف خالص عن زمان من ساعه موقف اسماعيل والحفاره قصدى والفاره.
4: انت طلعتلى منين: حنين لانها دائما بتوصل الحوار لطريق مسدود.
5:دمك تقيل: مش بوصف بيها اى عضو لان كل الاعضاء زى العسل.
6: انت مبتجيش ليه :بقولها لتوته لانها غايبه بقالها كتير.
: qqq

انا مستنى بقيه الاسئله

king

لا اله الا الله
انت بقت حالتك متعسرة اوى يا عبده

ولازم نشوفلك دكتور

وهنسميه دكتوووور الكافيه

هههههههههههههههههههههههههههههههه

بسم الله الرحمن الرحيم

مساج الاصالة
كيفك يا عبده وكيف دماغك
وحشنى يا ولد
عامل ايه فى المستشفى اقصد الكافيه؟؟؟؟

انت مين وعايز ايه فى ما لا يقل عن 7 اسطر؟؟؟؟؟؟

انت شايف انك صريح ؟؟؟

هل فكرت فى يوم من الايان انك تقعد وتشوف انك صح ولا غلط ؟؟؟؟

بتحب يا عبده ؟؟؟
ولو بتحب احكي لنا عن قصه حبك ؟؟؟؟
علشان نستفاد من قصتك طبعا

بتحب ايه من الافلام ( الرومانسيه ولا الكوميديه ولا الافلام المجنونة يعنى اللى فيها خيال علمى)؟؟؟؟؟

تقول لمين الجمل الاتيه ؟؟؟؟

يا ابنى اعقل وبطل جنان ؟؟؟

سيبهم يقولو مهما يقولو؟؟؟؟؟؟

اللى بيته من ازاز ميحدفش الناس بالطوب؟؟؟

فى اتخاذك لقرارتك بتفكر بعقلك ولا بقلبك؟؟؟؟

بس يا معلم

جاااااااااااوب يا مان

جارى الرد يا مان واوعى تزعل منى والنبى

انا بشكرك يا نور بجد لانك فاكرنى دايما بعيوبى البسيطه بس احب اطمنك انى بجد بغير فى نفسى كتير عن الاول
انا مين:سؤال زكى منك بس ردى هيكون من قلبى مش من عقلى لانى بجد لازم اتكلم عن نفسى علشان لازم احس انى عايش وعارف قيمتى عند نفسى ونظره الناس فيا
انا هقولك يا نور فى اققل من سبع سطور
انا انسان بسيط بنى بيت فى خياله على شط البحر لما حسيت بالبرد فكرت فى صاحب يساعدنى عليه ولما ملقتش الصاحب الى كنت بتمناه فكرت فى حبيب يدفينى بحضنه زادى الحب والعشق لحبيبى ترياق روحى نسيم البحر انفاسى ونار الشمس غيرتى على حبيبى ونور القمر بسمه حبيبتى فى عنيا مليش طموح فى عالم كل الى فيه بيدور على الماده بس ليا حلم كبير بس بجد بحلم بيه حلمى فى وطن واحد وعرب مجاهد وعزه شامخه ونصر فارد جناحه على الوطن الواحد حلمى فى عروبه وصيحه كالانشوده وقدس القبله الاولى وعزه الاسلام والمسلمين نفسى يكون كل عربى شخص واحد يخاف على اى جزء فى جسمه انه يصيبوا اى ازى نفسى يرجع زمن الامجاد نفسى فى نصر البلاد نفسى كل واحد يحب اخوه نفسى فى ابن يبوس ايد ابوه نفسى فى اب يعلم ابنه معنى كلمه اخوه نفسى ميبقاش فيه ظلم نفسى ميبقاش فيه ضعف نفسى فى رحمه ربنا نفسى ان اشوف سيدنا محمد عليه الصلاه والسلام او حتى ازوره بس هوده اجابتى على سؤالك.
بتحب يا عبده احكلنا عن قصه حبك؟طبعا مفيش حد ممكن يعيش من غير حب بس انا بموت يا نور فى الى بحبها حبها خلانى اعيش فى دنيا من الاحلام خلانى احقق حاجات كتير معتقدش ان فيه حد فى ظروفى ممكن يحقق نصها
احكيلك عن حبيبتى انا ابتديت اعجب بيها من حوالى 3 سنين هيا عندها دلوقتى 19 وانا 22 سنه اول مره شوفتها كنت عندهم فى البيت فى فرح اختها الى اكبر منها دا طبعا لانها بنت خالتى مكنتش معتقد انها بالشكل ده لانها فى الوقت ده كان عندها 16 سنه وكنت من فتره شايفها حاجه تانيه خالص كانت صغيره شويه وانا كنت بحب واحده من سنى وللاسف طبعا اتخطبت البنت الى كنت بحبها وبعدها بحوالى سنه البنت ده ماتت قبل ما تتجوز بحوالى 6 شهور المهم ابتديت انسى حبها دا لانها طبعا سمعت كلام اهلها وفرطت فيا عند او عريس اتقدملها وزمانها دلوقتى بتتشوى فى نار جهنم زى ما شوت قلبى على نار هاديه المهم بعدها جاتلى وجابتلى الجاتوه والحاجه الساقعه فى الفرح وقعدت اتكلمت معايا شويه عن دراستى دا لانى كنت فى السنويه وكان املى افلح بس للاسف تعبت فتره كبيره اوى وده كان ليه تاثير كبير على مستقبلى لانى اهملت كل حاجه والدروس والمدرسه واتجهت لفحوصات على القلب وكان موال كبير اوى استمر حالى 3 شهور دمر السنويه عندى واظن انتا عارف مستواى كان شكله ايه فى اول السنه خصوصا الرياضه بعدهالما عرف الى حصلى كانت بتكلمنى على طول فى التليفون لحد ما بقيت كويس لقيت نفسى عايز اكلمها على طول المهم فضلت اتلكك علشان اكلمها مره فى التلفون اسال على خالتى ومره اروحلهم باى حجه علشان اشوفها استمريت على كده لمده سنه وطبعا قصتى ديه مش هتقدر تستفيد منها لانى ادبست تدبيسه محترمه لانها جاتلى فى الوقت ده قالتلى انا عايزه اشوفك علشان فيه موضوع مهم لازم اكلمك فيه اكتشفت انها بتحبنى بس للاسف متقدملها عريس ! اى واحد فى مكانك يقول ده اشتغاله بس ده كانت حقيقه لان فيه واحد كان وسيط بينى وبين اهلها لما عرفو انى خرجت معاها من وراهم المهم عملت فيها عنتر ابن الحج شداد وروحت اتقدمتلها يا معلم من غير ما حد يعرف واليك موجز الحوا الى حصل (طبعا اهلها مكنش عندهم مانع الا لازم حد كبير من عندنا ابويا مثلا يطلبها ليا علشان الكلام يبقى ثقه)ده من ناحيتهم من ناحيتنا بقا كنت ساقط لاول مره فى حياتى كانت فى الكليه وصادف ان يوم ما جبت النتيجه وسقطت يوم ما اتقدمت والى ساعدنى يا نور اننا كلنا كنا ساقطين وزى اى فاشل كنت بقول دا اتضهاض من الدكاتره علشانانا انتساب وبدفع فلوس كتير وهما عايزنى اققعد فيها علشان الفلوس من الناحيه التانيه هيا كانت مبتكولش لانها عفت انهم وافقوا على العريس الى كان متقدم وهيتمموالخطوبه بتاعتاها انا كلمت الوسيط الى هوا ابن خالتى التانيه انهم يدولى فرصه لمده سنه انى انجح فى الكليه واجمع فلوس اعمل بيها فرح واجيب الشبكه وطبعا كل ده حصل فى فتر ه قياسيه جدا وجهزت حاجات فى الشقه كمان بالفلوس الى اتبقت من بعد الشبكهوده كله كان اول لحظه فى حياتى احس فيها انى عايش بعد كده ولحد دلوقتى بقالى تقريبا سنه يا نور خاطب حاسس انى عايش فى الجنه وانا مش زى اى شب يخرج مع البنات ويهزر ويضحك عليها بكلمتين لا انا بهزر مع خطبتى وبنضحك وبنتخانق ونتصالح وبنفرح مع بعض وبنحزن لحزن بعض بس انتا عارف يا نور انا حاسس انى بيها ملكت الدنيا كلها .......
بحب الافلا الرومانسيه
يابنى اعقل وبلاش جنان بقولها لنفسى لانى بعامل كل الناس بحسن نيه
سيبهم يقولو مهما يقولو : مش بقولها لاى حد لانى معنديش عيب الناس تتكلم عليه
الى بيته من ازاز ميحدفش الناس بالطوب :ده ليك طبعا يا نور وانت عارف ليه
فى اتخاذ قراراتك بتفكر بعقلك ولا بقلبك:سؤال جميل بص يا نور مش كل القرارات الى باتخذها بفكر فيها بعقلى الا فى القرارات المصيريه الى هيتحتم عليها مستقبل فى علم الغيب زى مثلا حاله استقرارى فى شغلى لان ده بيتوقف عليه عوامل كتير نظرا لانى خاطب ومرتبط بمده زمنيه للاتمام الزواج انشاء الله بس فيه قرارات تانيه بفكر فيها بقلبى زى اى قرار بتخذه مع خطبتى عمرى ما افكر فى حاجه تاذيها او تدايقها بس بفكر فى عقاب بسيط وصدقنى يا نور حتى ده مش بستحمله عليها وتانى حاجه القرارت الى باتخذها مع اى حد محتاج او ضعيف او مريض لازم يكون فيها رحمه لقول الرسول صلى الله عليه وسلم (ارحموا من فى الارض يرحمكم من فى السماء)
وانا اسف انى طولت بس ده كل الى عندى للاجابه على اسئلتك

هاى يا قمر

ازيك

يارب تكون بخير

انا مش هطول عليك

هم كام سؤال بس

يلا جاوب ياقمر

1-باقة ورد لمن تهديها ...؟؟

2- شخص لاترفض له طلبا ..؟؟
3- من هو توأم روحك ...؟؟...

4- ما هو هدفك في الحياة ؟؟
5- ماهو أكثر موقف مؤثر مررت به ؟

6حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

من هو العضو اللي يستحق انه تقول عنه محبوب بين الاعضاء ؟- 7

8-مين بنظرك بيعمل بجهد بالمنتدى؟

وبس

ان شاء الله تعجبك الاسئله

انا قبل اى رد انا عايز ابعتلك الف حمامه من الحمام الزاجل علشان توصلك سلامى لانك بجد وحشانى موت انتى وبقيه الاعضاء
وجارى الرد على اسئلتك ومش هقولك يا قمر علشان انا بكسف

هاى ان رجعت تانى علشان استلم الكرسى
باقه ورد لمن تهديها ؟اهديها لاعضاء المنتدى الكرام
شخص لا ترفض له طلبا؟ ابويا طبعا لانه هو الى هيجوزنى
من هو توام روحك؟اختى الكبيره لانها احن الناس عليا
ما هو هدفك فى الحياه ؟ انا جاوبت كتير على النقطه ده بس هجاوبك تانى هدفى ان اعيش مع الانسانه الى بحبها فى بيت صغير مرتاح البال حتى لو كان البيت ده على القمر وبينى وبين الناس الف مليون ميل
ما هو اكثر موقف مؤثر فى حياتك ؟لما كنت راجع من الكليه فى يوم وراكب العربيه شوفت واحده فقيره ميته على الطريق ومحدش راضى يقرب ناحيتها والناس مغطينها بالجرايد ساعتها حسيت ان الانسان ملوش اى قيمه ونزلت دموعى وانا فى العربيه
حمامه زاجل استقرت على نافذتك تحمل رساله فممن تتمنى ان تكون؟اتمنى ان تكون هذه الرساله من المجاهدين فى الاقصى يطلبونى لاشد ازرهم
من هو العضو الى يستحق انك تقول عنه محبوب بين الاعضاء ؟نونا
مين بنظرك بيعمل جهد بالمنتدى؟انا بصراحه مش شايف اى مجهود فى المنتدى بقالى كتير وده طبعا نظرا لانشغال الناس بدراستهم فمقدرش اققول راى جذافى والا هظلم وانا مش بحب الظلم
انا بتمنى انى مكنش ازعجتك بردى بس غصب عنى الكرسى ده للصراحه فقط
hhhhhhhhhhhhhhhhh

انا مستنى بقيه الناس وياريت تكون اسئله قويه وجديده ومفيده